ГЭТЫ ГОРАД ЗНАЙШОЎ НАС!

Тое, аб чым мы даўно марылі зьдзейсьнілася. Нарэшце канцэрт у Беларусі! ULIS выступіў у Полацку з гадзіннай праграмай. Выступленьне адбывалася ў межах прэзэнтацыі альбома мясцовага гурта Indra . Адпаведна фан-клюб у дастатковай сваёй колькасьці наведаў гэты легендарны горад. Добра нагуляўшыся па Полацку, паглядзеўшы на мясцовыя Прыдзьвінскія краявіды і заправіўшыся півам у мясцовай піцэрыі, мы накіраваліся ў мясцовы ГДК. Абстаноўка была пазытыўнай, аднак у залю не пускалі з паўгадзіны ад абазначанага пачатку. Пачалі пракрадацца падазрэньні, што зараз выйдзе дырэктар і скажа: “па цехнічэскім прычынам” і г.д. Аднак усё вырашылася добра. Заля была занятая не цалкам, але для мясцовага маштабу ўсё было нармалёва. Спачатку выступалі полацкія гурты Primus Inter Pares i The Planets . Першыя – гэта дзьве басовыя гітары і бубны, другія – як здалося імкнуліся граць гранж. Усё быццам бы добра рабілі хлопцы аднак хіліла на сон... Значна падправіла сытуацыю менскае Рэха (наступны госьць канцэрту). Яны хоць і ня мелі электрычнага гуку аднак публіку завялі моцна. Далей ішла сама Indra са сваім новым альбомам “Сонцавакол”. Патэнцыял у дзяўчынак маецца, аднак матыўчыкі песен заўсёды нешта нагадвалі.

Ну, ня будзем нічога благога пра афіцыйных гаспадароў канцэрту. :) Хэдлайнэрам быў ULIS . Як толькі абвесьцілі каманду публікі ля сцэны стала значна болей. Дык і фан-клюб падцягнуўся. Выдатным гукам і надзвычай эмацыйным выкананьнем гралі Lusterka . Было пару разоў кудысьці на другі плян зьнікала гітара Славы, але гэта абсалютна не папсавала агульнага ўражаньня. Пад сцэнай слэміліся мясцовыя падлеткі, хтосьці сьпяваў, карацей усё было проста выдатна. Апошнім выконвалі Radyjo Svaboda і публіка была парваная канчаткова... Выступленьне скончылася гучным скандаваньнем: ULIS , ULIS !

Вялікі дзякуй ULIS за файнае выступленьне і за запрашэньне фан-клюба на afterparty для музыкаў і арганізатараў. Удалося нарэшце ўсталяваць кантакт з астатнімі ўдзельнікамі гурта: Натальляй, Паўлам і Сяргеем.

FCU/fota by Slaver

глядзі таксама

http://konzist.livejournal.com/8526.html
http://andrus-lasko.livejournal.com/23288.html
http://slaver-be.livejournal.com/123766.html
http://barilotti.livejournal.com/103735.html
http://www.belradio.fm/by/43/reports/1656/
http://www.studenty.by/news1399.html

http://junkheap.livejournal.com/1904.html
http://strider-first.livejournal.com/2951.html http://soft-tiger.livejournal.com/25840.html

КАНЦЕРТ У ПОЛАЦКУ

УВАГА! 4-га сакавіка ў ПОЛАЦКУ адбудзецца выступ ULIS, прыс ьвечаны прэз э нтацыі альбома гурта Indra " Сонцавакол ", Канцерт пройдзе ў полацкім Гарадзкім Палацы Культуры ( вул . Гогаля, 15) 4 сакавіка.

Пачатак канцэрту - 18.00. Кошт уваходнага квітка – 5 тыс. беларускіх рублёў. Квіткі можна набыць у касах Палаца (8-0214-42-23-62), або прыватна: 8-029-711-60-56 (Марына)